January /Nampira
February /Namusebuko
March/ Mulyaiva
April /Namubonge
May /Namatu
June/ Namwendwa
July/ Namugero
August/ Nabirime
September/ Namugozi
October/ Namutyabuko
November /Nkazaluya
December /Namuwawuzo

(Andrew Kaggwa)

AKAKIKO K’OLUGANDA, OLUSOGA, OLUGWERE KATONGOIZA EBIBIINA BY’OKUSOMA MU MASSOMERO

AKAKIKO akavunanizibwa okutumbula ennimi edhobuwangwa aka Luganda, Lusoga, Lugwere katongoyiza ebibina by’abassomi nkhani Readers Clubs ebinasomesanga abana ku massomero ennimi edhobuwangwa nailala olusogha.

Ebibiina bino byatongozeibwa mu massomero okwabaire elya Mafubira Primary School nhi Spire Road Primary School era nga akakiiko k’abatoneire ebitabo eby’okusoma nkhani Text Books.

Omugenhi omukulu ku mukolo yabaire omulambuuzi w’amassomero mu kitundu kya Butembe mu disitulikiti ye Iyindha, Lydia Namuwaya.

Namuwaya yeinhamiire olw’abassomesa abangi abatendekebwa mu luzungu era balukozesa ku massomero gyebaba bawerezeibwa okussomesa ekintu ekileteire abana obutasoma mu nnimi dhaibwe edhobuwangwa.

Yasabye akakiiko ka Luganda, Lusoga, Lugwere okuvaayo kategeke emissomo egy’okubangula abassomesa okussomesa mu nnimi edhobuwangwa basobozese abana okudhimanha badhogere era badhiwandiike.

Namuwaya yasabye abazaire okwongera okussomesa abana baibwe olulimi oluzaliranwa geza nga olusogha mukiseera abana kyebatandikiramu okweegha okwoghera.

Pulezidenti w’akakiiko kanho aka Luganda, Lusoga, Lugwere ayetebwa Margaret Nankinga yabairewo mukutongozza ebibiina ebyo mu maasomero era yakobye nti abakulembezze b’amawangha ag’endhawulo mu Africa batyama mu lukiiko olwa African Union baikiriziganhia okutumbula ennimi edhobuwangwa mu mawangha gaibwe nga babita mu kakiiko ka African Academy of languages (ACALAN).

 Era mu Uganda akakiiko ka ACALAN kayongera k’atondagho akakiiko ka Luganda, Lusoga, Lugwere Cross boarder Language Commission nga kamazze omwaka mulamba bukya katondhebwagho.

Nankinga yakobye nti abassomesa n’abakoze ekinene okukyayisa abana mu massomero okussoma mu nnimi edhobuwangwa olwokuba buli kyebabassomesa, kiba mu lulimi luzungu era n’okusaba abassomesa bakyuseemu bakubirizze n’okwendeza abana olulimi lwaibwe Olusogha.

Yayongeireku nti ennimi edhobuwangwa dhirina bingi byedikweeka okugeza nga amagezi g’obuzaliranwa, amagezi ag’ekikugu, empisa dhaibwe edhobuntu nebindhi bingi byebatasainhe kufiirwa.

Yainhonhoire nti omwana yena yena bwayega ennimi edhobuwangwa kimwanguyira okussoma obutabo obw’engero, okuwandiika n’okwegha ennimi edhindhi mubwangu.

Nankinga yasabye abakulu b’amassomero balonde mu bassomesa baibwe abanakulira ebibiina ebyo ebyatongozeibwa mu massomero gaibwe.

Abana abassomi baasomye engero edhabaire mu lulimi Olusogha era abandhi baayemba enemba edholusoga.  

(DONALD KIRYA)

''Mu kusonhonta n'omuva embiro"

Museveni ayogeire Olusoga ku matiikira ga Kyabazinga

E BUSOGA KUSAGAMBA, B’AFUNIE KYABAZINGA OLUVAINHUMA LW’EMYAKA MUKAAGA

Abasoga b’afunie akaseko ku matama oluvainhuma lw’okufuna Kyabazinga omuyaaka oti mugaire, nga ni  William Gabula Nadiope 1V, eyalondeibwa ku kitebe ky’Obwakyabazinga e Bugembe.

 Kyabazinga Gabula, mwidhukulu w’eyaliku Kyabazinga wa Busoga,Sir William Wilberforce Kadhumbula Nadiope,yalondebwa Abalangira 10, abaikirizagania nti Gabula n’asaniire okutwala Busoga mu maiso, nti naidha okutoolawo enkeyana edh’obusika endhibairewo okumala emyaka omukaaga.

 Abalangira okutuuka ku kino b’ali batuukiriza obweyamo bwebaakolera Abasoga nti 27 August lulija okutuuka nga Busoga bali kukiraga bulage Kyabazinga era bwekyaabaire, b’alonda Gabula nga 23 August 2014.

 W’osomera bino, Gabula b’amutuumye amainha agaweraku nga Kyabazinga, landiroodi, Ekisegese ekitaliibwa Nsolo, Liiga lyante eritaliibwa nseete, Iseiffe, Lwiigi lwa ngada, Maino ga ngoina agaluma ni kolaansi, n’agandi mangi.

 Gabula yabiseemu nga tavuganhiziibwa.

Okulondebwa kwa Gabula kw’abaire kwa kibwaatukira kuba ezira eyamahie kuba Abalangira 10 b’abaire baidhye okusemba amainha g’aba Minisita ni Katukiro wa Busoga, Abaire akola nga Kyabazinga, David Kaunhe Wakholi geyabaire aleese, meeni ekintu ky'edomola omulundi mulala by’aira mu bya kulonda Kyabazinga.

 Ng’Abasoga bwebakoba bati “Azirawo tibamugulira mukazi,” Gabula yabitamu  nga tavuganhiziibwa kuba Omulangira Edward Colombus Wambuzi abaire akeeyanira eikonero yali taidhye.

 Oidhi okuva einhuma ere, Wambuzi  abaire y’epena enkiiko edh’Abalangira ng’akoba mbu tikimwetaagisa kwidha kuteesa kubya Busoga kuba mbu ni Kyabazinga wa Busoga, eyalolondebwa nga 30 0ctober 2008 nga Ise  Henry Wako Muliko y’akafa.

 Abalangira ab’alonze  ni bano n’Amaasaza gaibwe: Wellington Tabingwa Nabwana (Luuka), Patrick Izimba Gologolo (Kigulu), Samuel Kamaga Nkono (Bukono), Samuel Nkuttu Menyha (Bugweri), William Gabula Nadiope 1V(Bugabula BB-Kamuli), Jahi Juma Luba Munuulo (Bunyha), John Ntale Nanhumba (Bunyholi) David Kaunhe Wakholi (Bukholi) , Yekoniya Isiko Kisiki( Busiki) ni Yasin Ntembe Waguma.

 Ng’amaze okulondebwa, b’amulaze Olukiiko lwa Busoga ku kitebe ky’Obwakyabazinga  era lw’amwiikiriiza ate b’amutwala mu kasozi Mpumwire yebaamukoleireku emikolo egy’ekinnansi, wagati mu nduulu, emizira, engoma, engalabe, ensaasi n’engwaala edh’Abaswezi.

 Wiki eweire, Pulezidenti Museveni yayese Kyabazinga Maka g’Obwapulezidenti Entebbe y’amuyozaayoza b’alya n’ekyemusana era yasuubiza okuba omugeni omukologho ku mukolo gw’okumutwiikira (Cononation).

 Enteekateeka gy’okutyama Kyabazinga dhija mu maiso waire ng’Omulangira Wambuzi ali kw’ekalakaasa nti ni Kyabazinga omutuufu, era nti n’ajja okwingira Olubiri gavumenti lweyazimbira Obwakyabazinga ku kasozi e Igenge.

 Buti buli w’obita, ekiri ku minwa dh’Abasoga kya kuwaana Kyabazinga, bati “Gabula afumvughe (awangaale), obufulu bufe abaana bawone olunkusense.” 

Iseiffe, Kyabazinga, Ekisegese ekitaliibwa Nsolo, landiroodi, Isebantu

Comments