LWAKI OMUKAZI TEBAAMUZIIKANGA GYE YAFUMBIRWA

Nazzikuno nga kya muzizo omukazi okuziikibwa gye yafumbirwa. 

Omukazi bwe yafanga nga bamuzzaayo ewaabwe aziikibwe ku kiggya ky'ekika kye .

Bino eby'okubaziika gye baafumbirwa bizze jjo jjuuzi wano wano nga abazungu batusuuzizza ebyaffe!

Waaliwo ensonga enkuukuutivu ezazzissangayo omukazi ku biggya by'ewaabwe. 

,nyingi , naye kanjogereko kw'ezo ze nnaasobola , anti ebya Buganda tebiggwa malojja. 

Omukazi bwe yabanga nga alina abaana mu basajja ab'enjawulo , kyabanga kizibu okukunngaanya abaana abo ne bagenda ewatali kitaabwe ne bakumirayo olumbe lwa nnyabwe .

Okuziika bwe kuggwa ,wabaawo omuntu alondebwa okuzzaayo abaana ewa kitaabwe , kati omukazi ono alina abaana mu basajja abadukka ku omu baba bakuzzibwayo mu bibu?

Waabangawo omukazi oyo okuba nga y'abaddeko empewo z'ewaabwe , ng'olwo ate zinaasigala eno gye yafumbirwa? 

Ye abaffe omukulu w'olumbe aba ensiisira anaagikuba ku buko ? 

Abaana nnyaabwe bwe bamala okumuziika ewaabwe bayinza okwerabirira ddala obukojja bwabwe Oluganda olwo ne luba nga lukutuseewo.

Abaana b'abaana ab'obuwala , bakola kinene nnyo okumala ebibamba ku mpya gye bazaala ba nnyaabwe . 

Kati bwe wabaawo ekyabaawula nga okuziika omukazi gye yafumbirwa , obulwa bwe bubaawo baba baakunoonyeza wa? 

 Awo ba jjajjaffe kye kyali kyabalengezesa ewala bakuume obumu obwo.

 Baagamba nti kizira okuziika omuntu ku kiggya ekitali kya kika kye.  

Ebizira bingi tujja kugenda tubitegeera mpola mpola .

Omuzadde manya bino

*1.* _Tokola mululu mu maaso g'omwana awaka ne ku mikolo._

*2.* _Yigiriza omwana Okusaba,okusabira emmere n'okusoma ebyawandiikibwa._

*3* _Muyigirize okugaba naddala engoye n'engatto ebitakyamutuuka._

*4.* _Kikolimo kyennyini omwana okulaba obwereero bwo nga omuzadde *Baleevi 18:6-18*_

*5.* _Weewale olugambo nga oli n'omwana, toyogeranga ku muntu kibi nga omwana awulira._

*6.* _Omwana mulungamye sso ssikumugaana by'ayagala okukola. Mulage akabi akali mu ky'ayagala kyokka nga kibi._

*7.* _Omwana musiime ng'akoze ekirungi, ne bw'oba onoomunenya, sooka kumujjukiza ebirungi by'akola._

*8.* _Muyigirize okwegendereza nga teyetoolatoola._

*9.* _Temuyombanga nga abaana babawulira. Bino bikosa obwongo bw'abaana!_

*10.* _Yigiriza omwana obuyonjo nti buli ekiddugala bakiyonja._

*11.* _Muyigirize okuwa abantu ekitiibwa okutandikira ku baganda be, bakulu be, mikwano gye, n'abakozi ab'awaka._ *(Tolikyejjusa)*

*12.* _Muyigirize okukuuma obudde nga ssiwa luleembe!_

*Mukama akuwe omukisa.*

Engero ensonge n'amakulu gaazo

-- Ebigambo si mutwalo , nga tebabyogedde ku ggwe oli

Ayogera atyo aba tafa ku munne ngeri gy'aba anyiiziddwa ebyo ebimwogeddwaako.

2-Kkonkomi/me bbi , ye nannyini kigagi

Omubi mu ndabika tekimulobera kubaako na kikye.

3- Kiba kibi nga kye kikyo, ayonka nnyina omubi tatanaka.

N'olwekyo muzadde wo taba mubi .

4-Awali eddibu tewaluma , nga si gwebalikubye o ba nga tebakubye mu lirye.

Abantu tebafa ku bulumi bwa bannaabwe.

5- Amaanyi ameemanye , gamala ebita embuga.

Abantu abamu balowooza nti be bamany ab'enkomeredde.

Comments